ვალერი გელაშვილის ცემის ფაქტზე ექსპრეზიდენტ სააკაშვილის საქმის განხილვა დღეს განახლდება. პროცესზე მხარეები მტკიცებულებათა ნუსხას წარმოადგენენ. ადვოკატ გიორგი ჩივიაშვილის განცხადებით, სხდომა დახურულია და იმ შემთხვევაში, თუ სასამართლო თავისი სურვილით არ გახსნის, დაცვის მხარე საიდუმლო დოკუმენტების განხილვის შემდეგ მის გასაჯაროვებას მოითხოვს. ვალერი გელაშვილზე თავდასხმა 2005 წელს განხორციელდა, რის შედეგადაც მან სხეულის მძიმე დაზიანებები მიიღო.
