თბილისი ბაქოსგან ექსპრეზიდენტ სააკაშვილის დაკავებასა და მის ექსტრადიციას ითხოვს. მთავარმა პროკურატურამ აზერბაიჯანის გენერალურ პროკურატურას მოთხოვნა უკვე გადაუგზავნა. უმრავლესობის წევრის, მანანა კობახიძის თქმით, აზერბაიჯანის სახელმწიფო ვალდებულია საქართველოს პროკურატურის მოთხოვნა დააკმაყოფილოს, ნაციონალურ მოძრაობაში კი აცხადებენ, რომ სხვა ქვეყნების მსგავსად, აზერბაიჯანი ქართული მხარის მოთხოვნას არ დააკმაყოფილებს. მიხეილ სააკაშვილი ამჟამად ბაქოში იმყოფება. ექსპრეზიდენტი კლუბ "ნიზამის" მიერ ორგანიზებულ საერთაშორისო კონფერენციაში მონაწილეობს.
