პრემიერ-მინისტრი ირაკლი ღარიბაშვილი მთავრობისთვის ხელახალი ნდობის გამოცხადებაში პრობლემას ვერ ხედავს და აცხადებს, რომ ამაში განსაკუთრებული არაფერია.
,,თუ საჭირო იქნება მთავრობის ხელახალი ნდობის გამოცხადება არც ეს არის პრობლემა. ჩვენ ვართ გამჭვირვალე მთავრობა, ერთი გუნდი და არაფერი განსაკუთრებული არ არის. შეგახსენებთ, რომ ივლისში, როცა 7 მინისტრი გამოვცვალე, მთავრობამ ხელახლა მოიპოვა პარლამენტის ნდობა. ეს არის აბსოლუტურად გამჭვირვალე, დემოკრატიული და მუშა პროცესი”, _განაცხადა პრემიერმა.
მისივე განმარტებით, მთავრობა მუდმივად განახლებას საჭიროებს.
,,საჭიროა განახლება, წინსვლა და მუდმივი მოძრაობა. Aასე რომ, არაფერი სასკანდალო არ არის”,- აღნიშნა ირაკლი ღარიბაშვილმა უზენაესი სასამართლოს თავმჯდომარესთან შეხვედრის შემდეგ.
