,,ნაცმოძრაობის” წევრი ზურაბ ჯაფარიძე აცხადებს, რომ ყოფილი პრემიერი ბიძინა ივანიშვილი ცდილობს მოქმედი პრემიერის ირაკლი ღარიბაშვილის კადრები უფრო ერთგული კადრებით ჩაანაცვლოს.
,,ცხადია ეს არის დაკავშირებული იმასთან, რომ ივანიშვილი ცდილობს ღარიბაშვილის კადრების გაშვებას. ამ ყველაფერს არანაირი მნიშვნელობა არ აქვს მაშინ, როდესაც ქვეყნის ეკონომიკა არის უმძიმეს მდგომარეობაში და ლარი ყოველდღე უფასურდება. ხელისუფლებას არ გააჩნია რაიმე კონკრეტული გეგმა, რომ როგორმე მოხდეს ეკონომიკის გაჯანსაღება და აი ამ დროს ივანიშვილი არის დაკავებული იმით, რომ ღარიბაშვილის კადრებს ანაცვლებს თავისი უფრო ერთგული კადრებით. ამიტომ, ერთადერთი გამოსავალი ამ ვითარებიდან არის ის, რომ მთლიანად უნდა შეიცვალოს ივანიშვილის ხელისუფლება და წავიდეს”, _აცხადებს ჯაფარიძე.
გარემოსა და ბუნებრივი რესურსების დაცვის მინისტრის პოსტი უკვე ვაკანტურია. საქართველოს პრემიერ–მინისტრმა ირაკლი ღარიბაშვილმა გარემოსა და ბუნებრივი რესურსების დაცვის მინისტრის ელგუჯა ხოკრიშვილის თხოვნა თანამდებობიდან გადადგომასთან დაკავშირებით, უკვე დააკმაყოფილა.
გარემოსა და ბუნებრივი რესურსების დაცვის მინისტრმა პრემიერ-მინისტრს თანამდებობიდან გადადგომის თხოვნით დღეს მიმართა. მიზეზი ოჯახთან დაკავშირებული საკითხი გახდა.