,,თავისუფალი დემოკრატების” წევრი ზურაბ აბაშიძე არ გამორიცხავს, რომ გარემოს დაცვის მინისტრის ელგუჯა ხოკრიშვილის გადაწვეტილება რეგიონული განვითარების სამინისტროში არსებულ კორუფციულ გარიგებებს უკავშირდებოდეს. როგორც ,,ჯი-ეიჩ-ენთან” საუბარში ზურაბ აბაშიძე აცხადებს, აუცილებელია პრემიერ ირაკლი ღარიბაშვილის მთავრობა შეიცვალოს.
,,ჩვენ ვფიქრობთ, რომ მთავრობა უნდა შეიცვალოს და ეს აუცილებლად უნდა მოხდეს. ხოკრიშვილი სანამ გარემოს დაცვის მინისტრი გახდებოდა, რეგიონული განვითარებისა და ინფრასტრუქტურის მინისტრი იყო. ცოტა ხნის წინ, რეგიონული განვითარებისა და ინფრასტრუქტურის მინისტრი შავლიაშვილი თანამდებობიდან წავიდა და მის სამინიტროში გარკვეულ კორუფციულ გარიგებეზბე იყო საუბარი. გამორიცხული არაა თავად ხოკრიშვილიც დაკავშირებული იყოს ამ საკითხთან”, -აცხადებს ,,ჯი-ეიჩ-ენთან” საუბარში აბაშიძე.
იგი არ გამორიცხავს, რომ მეშვიდე მინისტრი, ვინც თანამდებობას დატოვებს, სპორტისა და ახალგაზრდულ საქმეთა მინისტრი ლევან ყივიანი იყოს.
,,ვერ გეტყვით კონკრეტულად ვირ იქნება, მაგრამ გამორიცხული არაა ეს ლევან ყიფიანი იყოს”, _განაცხადა აბაშიძემ.
,,ჯი-ეიჩ-ენის” კითხვაზე - შესაძლოა თუ არა, თავად საპარლამენტო უმრავლესობის მხრიდან მზადდებოდეს ე.წ. შეთქმულება პრემიერის მისამართით, რადგან კოალიცია ,,ქართული ოცნების” წევრები ითხოვენ ლევან ყიფიანის გადადგომას, დეპუტატი განმარტავს:
,არ ვიცი ნამდვილად ვერაფერს გეტყვით, მაგრამ ის მინისტრები ვინც თანამდებობას ტოვებენ რეგიონული განვითარებისა და ინფრასტრუქტურის მინისტრი, გარემოს დაცვის მინისტრი, მანამადე შს მინისტრი, ისინი ირაკლი ღარიბაშვილის გუნდის წევრები არიან”, _განაცხადა ზურაბ აბაშიძემ.
გარემოსა და ბუნებრივი რესურსების დაცვის მინისტრმა პრემიერ-მინისტრს თანამდებობიდან გადადგომის თხოვნით მიმართა.როგორც სამინისტროს მიერ გავრცელებულ განცახდებაშია აღნიშნული ამის მიზეზი ოჯახური მდგომარეობა გახდა.
