,,ნაციონალური მოძრაობის’’ წევრი ლევან ბეჟაშვილი შსს სტატისტიკას ეჭვქვეშ აყენებს და აცხადებს, რომ რეალობა აბსოლუტურად განსხვავებულია. როგორც მან ,,ჯი-ეიჩ-ენთან” საუბარში განაცხადა, ხელისუფლება ცდილობს სტატისტიკური მონაცემებით ქვეყანაში არსებული რეალური სურათი შეალამაზოს.
,,ბოლო ორწელიწადნახევრის განმავლობაში მივეჩვიეთ, რომ ხელისუფლება ცდილობს სტატისტიკური მონაცემებით და ციფრებით შეალამაზოს ის რეალობა, რომელიც ქვეყანში არსებობს და არა მხოლოდ კრიმინალთან მიმართებაში. პოზიტიური ციფრები, სტატისტია გვქონდა ასევე ბიუჯეტის შესრულებასთან, ეკონომიკურ პარამეტრებთან დაკავშირებით, მაგრამ ვხედავთ რომ ბიუჯეტს პრობლემები აქვს, ეკონომიკაში შემოსავლები მცირდება', _განაცხადა ,,ჯი-ეიჩ-ენთან” საუბარში ბეჟაშვილმა.
,,ნაცმოძრაობის” დეპუტატის ინფორმაციით, ქვეყანაში კრიმინოგენული ვითარება ყოველდღიურად მძიმდება.
,,ქვეყანაში ყველაზე მძიმე მდგომარეობა კრიმინალთან დაკავშირებით არის. საქართველოში თითოეული ოჯახი გრძნობს კრიმინალმა რეალურად მოიმატა, ყველა პოლიციელს დავალება აქვს მიღებულია, რომ არ მოახდინოს დანაშაულის რეგისტრაცია, დაზარალებულებს სთხოვენ განცხადება არ შეიტანონ პოლიციაში. ამიტომ სანდოობა და რწმენა გამოქვეყნებული სტატისტიკის მიამართ ნაკლებია, მთავარია ის განწყობა, განცდა, რომელიც ქვეყანაშია და იგი მანც და მაინც სახარბიელო არ არის”, _აცხადებს ბეჟაშვილი.
შეგახსენებთ, რომ შსს 2015 წლის იანვარ-მარტის თვეებში დანაშაულის სტატისტიკა გამოქვეყნა. შსს-ს ინფორმაციით, წინა წლის ანალოგიურ პერიოდთან შედარებით დანაშაულმა 15. .24%-ით იკლო.
საგამოძიებო უწყებების მიერ 8970 დანაშაულია რეგისტრირებული, საიდანაც 4697 გაიხსნა. უწყების ინფორმაციით, დანაშაულის გახსნის პროცენტული მაჩვენებელი 52.36%-ია.
