1-2 მაისს საქართველოს იაპონიის საგარეო საქმეთა სამინისტროს დელეგაცია ეწვევა, საგარეო საქმეთა საპარლამენტო ვიცე-მინისტრის კენტარო სონოურას ხელმძღვანელობით.
საგარეო უწყების ინფორმაციით, ვიზიტის ფარგლებში 2 მაისს დაგეგმილია დელეგაციის შეხვედრა საქართველოს საგარეო საქმეთა მინისტრის მოადგილესთან, დავით ჯალაღანიასთან.
შეხვედრაზე მხარეები ორ ქვეყანას შორის არსებული ორმხრივი თანამშრომლობის აქტუალური საკითხებს განიხილავენ, მათ შორის თანამშრომლობას ვაჭორბისა და ინვესტიციების კუთხით და თანამშრომლობა საერთაშორისო ორგანიზაციების ფარგლებში.
,,აღნიშნული შეხვედრის დროს, კენტარო სონოურას გადაეცემა ქართული მხარის სამადლობელო წერილები იაპონიის პარლამენტის ქვედა პალატის მიერ მიღებულ გადაწყვეტილებასთან დაკავშირებით, რომელიც ეხება იაპონურ ენაში საქართველოს სახელწოდების „გრუზია"-დან „ჯორჯია"-ზე შეცვლას”, -განაცხადა საგარეო უწყების პრესსპიკერმა დავით კერესელიძემ.
