,,ნაციონალურმა მოძრაობამ” გურჯაანში ანტიკორუფციული მოკვლევის შედეგები გაასაჯაროვა.
,,ნაციონალური მოძრაობის” ინფორმაციით, რეგინში განსახორციელებელი პროექტები გურჯაანის გამგეობის მოადგილის გუჯა გიორგაძის ნათესავების კომპანიებს გადაეცათ და ამ მიზნით, ბიუჯეტიდან ათობით ათასი ლარია გამოყოფილი.
"გამგებლის მოადგილე გუჯა გიორგაძემ მეგობარს ვაჟა შალაშვილს დააფუძნებინა კომპანია და ერთ პირთან მოლაპარაკების გზით მხოლოდ ერთ პორექტში გადაუხადა 90 671 ლარი.ასევე გამგებლის მოადგილემ გიორგაძემ ძმებს გიორგი და არჩილ გოგინაშვილებს ერთ პირთან მოლაპარაკების გზით მისცა 15 პროექტი თანხით 121 ათას 734 ლარი, საკრებულოს თავმჯდომარემ კონსტანტინე ბერძიშვილმა ერთ პირთან მოლაპარაკების გზით თავის ბიძაშვილს დაუმტკიცა 5 პროექტი თანხით 54 ათას 636 ლარი, თამაზაშვილების კლანის წევრი ინდმეწარმე ზურაბ გუგულაშვილი რეგიონში ახორციელებს 8 პროექტს თანხით 45 ათას 415 ლარი" -განაცხადა ,,ნაცმოძრაობის” წევრმა გიორგი ღვიანიაშვილმა.
