პოლიტოლოგი რამაზ საყვარელიძე ,,ჯი-ეიჩ-ენთან” საუბარში აცხადებს, რომ პრეზიდენტის ადგილსამყოფელთან დაკავშირებით ატეხილი აჟიოტაჟი ნაადრევია, რადგან არც ერთ მხარეს კონკრეტული გადაწყვეტილება ჯერ არ მიუღია.
,,საუბრებში არ თქმულა, რომ მთავრობა გამოსახლებს იძულების წესით პრეზიდენტს. ჩემი აზრით, საკითხი ასე არ დგას. ეს ყველაფერი მხოლოდ ერთ ფრაზას მოჰყვა, რომ საკითხი განხილული იქნება მთავრობის სხდომაზე. განხილივა არ ნიშნავს, რომ პრეზიდენტს ავლაბრის რეზიდენციიდან იძულების წესით გამოსახლებენ. არის ბევრი პირი რომელსაც შეუძლია ეს ,,რთული” დიალოგი აწარმოოს და იქნებ შემდეგ პრეზიდენტმა თვითონ გამოთქვას სურვილი გადასვლის. ასე რომ, ეს იმედენად ჟურნალისტებს არ ეხება, რამდენადაც თანამდებობის პირებს, რომელთაც მძაფრი რეაქცია მისცეს ამ საკითხს. ვფიქრობ, ჯერ ნაადრევია მსგავსი რეაქციის მიცემა, ჯერ გადაწყვეტილება არ გამოუტანია რაც ერთ მხარეს”, _განაცხადა საყვარელიძემ.
კითხვაზე რეაქციის დაფიქსირება მართებულია საკითხის გადაწყვეტამდე და არ გადაწყვეტილების მიღების შემდეგ პოლიტოლოგი აცხადებს:
,,ამ საკითხს რეაქცია რატომ უნდა მისცეთ, სხვა უამრავი სარეაქციო საკითხებია. მეჩვენება, რომ რეაქცია და იმ შეფასებების გაკეთება რაც გაკეთდა ნაადრევია', -აცხადებს საყვარელიძე ,,ჯი-ეიჩ-ენთან” საუბარში.