პროკურატურა ზურაბ ადეიშვილისა და სერგო ქავთარაძის მიმართ წითელი ცირკულარით საერთაშორისო ძებნის შეწყვეტის მიზეზებს განმარტავს. მთავარი საგამოძიებო ორგანოს ინფორმაციით, ინტერპოლის გენერალურმა სამდივნომ ლტოლვილის სტატუსის მქონე პირების მონაცემთა დამუშავებასთან დაკავშირებით ახალი ინსტრუქციები შეიმუშავა. ახალი რეგულაციების მხედველობაში მიღებით კი ინტერპოლის გენერალურმა სამდივნომ ზურაბ ადეიშვილის მიმართ დაადგინა, რომ მას ლტოლვილის სტატუსი მიენიჭა გასული წლის 8 თებერვალს და ეს არ იყო განპირობებული ამ სახელმწიფოს მიერ საქართველოსთან მიმართებაში არსებული პოლიტიკური მოტივებით. უწყებაში ასევეGგანმარტავენ, რომ მსგავსი მიდგომა იქნა გამოყენებული ძებნილ სერგო ქავთარაძესთან მიმართებაშიც, რომელიც არასდროს ეწეოდა პოლიტიკურ საქმიანობას, თუმცა, მასაც ლტოლვილის სტატუსი ჰქონდა.
