,,ნაცმოძრაობის” დეპუტატი გიორგი ღვინიაშვილი ,,ჯი-ეიჩ-ენთან” საუბარშია ცხადებს, რომ კახეთიდან ათასობით ადამიანი მოემართება თბილისში აქციაზე დასასწრებად.
დეპუტატი გარკვეულ ზეწოლაზეც საუბრობს და აცხადებს, რომ აჩერებენ მიკროავტობუსის მძღოლებს და მოუწოდებენ არ წავიდნენ თბილისში დაგეგმილ აქციაზე.
,, დედოფლისწყაროს მიკროავტობუსი გააჩერეს და უთხრეს, რომ თბილისში არ უნდა წამოსულიყვნენ, მაგრამ ამ ხალხს ვერავინ ვერ შეაჩერებს. ათასობით, ძალიან ბევრი ადამიანი მოემართება კახეთიდან”, -აცხადებს დეპუტატი.
მისივე განმარტებით, აქციაზე ათასობით ადამიანს ელოდებიან.
,,ვფიქრობ, აქციაზე უამრავი ადამიანი გამოვა, რადგან ბევრი მიხვდა, რომ ხელისუფლება თაღლითური გზითაა მოსული და მალე უნდა წავიდეს, რათა ქვეყანა კატასტროფამდე არ მიიყვანონ”, _აცხადებს ღვინიაშვილი ,,ჯი-ეიჩ-ენთან” საუბარში.