სამეგრელო-ზემო სვანეთის ყოფილი გუბერნატორი თენგიზ გუნავა ,,ჯი-ეიჩ-ენთან” საუბარში აცხადებს, რომ ზუგდიდიდან ათასობით ადამიანი მოემგზავრება თბილისში ხელისუფლების გადადგომის მოთხოვნით დაგეგმილ აქციაზე.
ყოფილი გუბერნატორის განცხადებით, ხობში, ჩხოროწყუსა და ზუგდიდში გარკვეული ზეწოლა იყო სამარშუტო ტაქსების მძღოლებზე, თუმცა, გუნავას თქმით, მათ ხალხის წამოყვანა თბილისში მაინც მოახერხეს.
,,წინააღმდეგობას რაც შეეხება იყო გარკვეული ზეწოლა ხობში, ჩხოროწყუსა და ზუგდიდში, სადაც სამარშუტო ტაქსის მძღოლები იძულებით გააჩერეს. სამეგრელოდან ათასობით ადამიანი მოდის პროტესტის გამოსახატავად_ხელისუფლების გადადგომის მოთხოვნით. ახლა გორში შევდივართ”, _განაცხადა გუნავამ.
გუნავა აქციაზე ხელისუფლების მხრიდან გარკვეულ პროვოკაციებს არ გამორიცხავს.
დღეს, 21 მარტს ხელისუფლების გადადგომის მოთხოვნით, ,,ნაციონალების აქცია” თავისუფლების მოედანზე 16:00 საათზე გაიმართება.