საქართველოში აშშ-ის ელჩი რიჩარდ ნორლანდი ,,ნაციონალების” მიერ თბილისში დაგეგმილ საპროტესტო აქციას ეხმიანება და აცხადებს, რომ მთავრობა ვალდებულია დაიცვას უსაფრთხოების ზომები.
"საქართველოში პოლიტიკურ პარტიებს შორის დებატები მიმდინარეობს და ეს უფრო ინტენსიური ხდება 21 მარტის აქციასთან დაკავშირებით. მნიშვნელოვანია, რომ ადამიანებს გამოხატვის თავისუფლება გარანტირებული ჰქონდეთ. მთავრობა ვალდებულია დაიცვას უსაფრთხოების ზომები. საზოგადოების რადიკალურ ნაწილს ამ პროცესის თავის სასიკეთოდ გამოყენების საშუალება არ უნდა მიეცეს," - აცხადებს რიჩარდ ნორლანდი.
თბილისში, 21 მარტს მთავრობის გადადგომის მოთხოვნით საპროტესტო აქცია გაიმართება. აქცია "ერთიანი ნაციონალური მოძრაობის" ინიციატივით 16:00 საათზე ჩატარდება.