ვიცე-პრემიერი კახა კალაძე 21 მარტს ,,ნაციონალების” მიერ დაგეგმილ აქციას ეხმიანება და აცხადებს, რომ ამით განსაკუთრებული არაფერი ხდება. როგორც კალაძემ ჟურნალისტებთან განაცხადა დამთავრდა ის დრო როცა განსხვავებული აზრის, პოლიტიკური შეხედულების გამო ადამიანები იდევნებოდნენ, შესაბამისად ახლა ყველას აქვს უფლება თავისუფლად გამოხატოს საკუთარი პოზიცია.
,,რაც შეხება 21 მარტის აქციას, აქ განსაკუთრებული არაფერი არ ხდება. ჩვენს ქვეყანაში ყველას აქვს უფლება გამოხატოს თავისი აზრი. ის დრო დასრულებულია საქართველოში როდესაც განსხვავებული აზრის, განსხვავებული პოლიტიკური შეხედულების მქონე ადამიანებს დევნიდნენ, ოჯახებს აუბედურებდნენ, ციხეებში აუპატიურებდნენ და მინდა ვუთხრა ,,ნაციონალურ მოძრაობას”, რომ არასდროს აღარ დაბრუნდება”, _განაცხადა კალაძემ,
თბილისში, 21 მარტს მთავრობის გადადგომის მოთხოვნით საპროტესტო აქცია გაიმართება. აქცია "ერთიანი ნაციონალური მოძრაობის" ინიციატივით 16:00 საათზე ჩატარდება.
