პრემიერი ირაკლი ღარიბაშვილი ნინო გვენეტაძეს უზენაესი სასამართლოს თავმჯდომარის თანამდებობაზე არჩევას ულოცავს და იმედს გამოთქვამს, რომ მისი თავმჯდომარეობით უზენაესი სასამართლოს მიმართ გაჩნდება საყოველთაო ნდობა და პატივისცემა.
,,მინდა ქალბატონ ნინო გვენეტაძეს მივულოცო საქართველოს უზენაესი სასამართლოს თავმჯდომარის თანამდებობაზე არჩევა და ვუსურვო წარმატებები.უზენაესი სასამართლოს თავმჯდომარეობა ერთ-ერთი ყველაზე საპატიო და საპასუხისმგებლო პოსტია დემოკრატიული ქვეყნებისთვის. იმედი მაქვს, ნინო გვენეტაძის თავმჯდომარეობით უზენაესი სასამართლოს მიმართ გაჩნდება საყოველთაო ნდობა და პატივისცემა, რაც ასე აუცილებელია ჩვენი სახელმწიფოსთვის”, _ნათქვამია პრემიერის განცხადებაში.
კანონმდებლებმა უზენაესი სასამართლოს თავმჯდომარედ ნინო გვენეტაძე აირჩიეს.
პარლამენტმა, პლენარულ სხდომაზე, ნინო გვენეტაძის კანდიდატურას 88 ხმით, ერთხმად დაუჭირა მხარი, წინააღმდები არც ერთი დეპუტატი არ აღმოჩნდა.
ნინო გვენეტაძემ თანამდებობაზე კონსტანტინე კუბლაშვილი შეცვლა.