,,ნაცმოძრაობის” წევრი ნუგზარ წიკლაური ,,ჯი-ეიჩ-ენთან” საუბარში აცხადებს, რომ ხვალინდელ აქციაზე საქართველოს ყველა რაიონიდან ელოდებიან მოსახლეობას. ამასთან წიკლაური ხელისუფლების მხრიდან გარკვეულ პროვოკაციას არ გამორიცხავს.
,,საქართველოს ყველა რაიონიდან ველოდებით მოსახლეობას, რა თქმა უნდა,თბილისიდანაც. გარდა პარტიული ორგანიზაციების წარმომადგენლების აქციაზე ველოდებით იმ ადამიანებს ვისაც აქვს გარკვეული დამოკიდებულება იმ პროცესებთან დაკავშირებით რაც ქვეყანაშია. ფიქრობ, იქნება ხალხმრავალი აქცია.რაც შეეხება ხელისუფლების მხრიდან მოსალოდნელ პროვოკაციას გამორიცხული არაფერია, ადგან ჩვენ მომსწრეები გავხდით არა მხოლოდ ხელისუფლების დაქირავებული ჯგუფები მიერ როგორიცაა სადღობელაშვილი, კორკოტაშვილი, არამედ უშუალოდ ხელისუფლების წარმომადგენლები ესხმოდნენ თავს ,,ნაციონალური მოძრაობისა” და არასამთავრობო ორგანიზაციის ოფისებს. იმის მომსწრეც კი გავხდით რომ ბავშვები იყვნენ ჩართული პოლიტიკურ დაპირისპირებაში ყოვლად ოდიოზური ხერხით. ამიტომ არაფრის გამორიცხვა არ შეიძლება, თუმცა იმედი ამქვს სერიოზულ დაპირისპირებას, შეტაკებას ადგილი არ ექნება. აქციას თვალს ადევნებენ საქართველოში აკრედიტებული დიპლომატიური კორპუსის წარმომადგენლები, ჩართულია შსს და მინდა იმედი გამოვთქვა, რომ ასეთი დაპირისპირება არ მოხდება”, _განაცხადა წიკალურმა.
კითხვაზე აქცია იქნება ერთდღიანი, თუ პერმანენტულ სახეს მიიღებს მიიღოს წიკლაური პასუხობს?
,,21 მარტის აქცია არის დასაწყისი დიდი კამპანიის მთავრობის გადადგომის მოთხოვნით. აქციასთან დაკავშირებით მერიაში განაცხადები შეტანილი გვაქვს დროის გარკვეულ მონაკვეთზე, ვართ კანონმორჩილები და განაცხადის შესაბამისად ვიმოქმედებთ. თუმცა ვამბობ, რომ ესაა პირველი დიდი აქცია რომელსაც უახლოეს დღეებში მოყვება აქციები როგორც თბილისში, ასევე საქართველოს სხვადასხვა რეგიონებში”, _განაცხადა ,,ჯი-ეიჩ-ენთან” საუბარში წიკლაურმა.
ხვალ, 21 მარტს ,,ნაციონალების აქცია” რუსთაველის გამზირის ნაცვლად თავისუფლების მოედანზე გაიმართება. როგორც პარტიის წევრმა ზურაბ ჯაფარიძემ პრესკონფერენციაზე განმარტა ცვლილების მიზეზი აქციის მონაწილეთა მოსალოდნელი დიდ რაოდენობაა.
მისივე განმარტებით, თავისუფლების მოედნისკენ მსვლელობა 14:00 საათისთვის ვარდებისა და კოლმეურნეობის მოედნებიდან დაიწყება და აქცია თავისუფლების მოედანზე კი 16:00 საათზე გაიმართება.
