უფლებადამცველი ნანა კაკაბაძე ,,ჯი-ეიჩ-ენთან” საუბარში ,,ნაციონალების” მიერ დაგეგმილი აქციის კომენტირებისას აცხადებს, რომ ხალხის, ხელისუფლების მხრიდან აქციის იგნორირება უნდა მოხდეს.
,, ვფიქრობ, ნაციონალების” აქციასთან დაკავშირებით რეაგირება, კონტრაქციები არის სისულელე. Yყველაზე მეტად რისთვისაც ერთამბავში არიან ,,ნაციონალები” არის ის, რომ არ მოხდეს მათი აქციის იგნორირება და ზუსტად ასე უნდა მოხდეს, ხელისუფლებისა და საზოგადოების მხრიდანაც მაქსიმალური იგნორირება. ვინაიდან ხელისუფლებამ არაფერი გააკეთა იმისთვის, რომ ეს ადამიანები პოლიტიკას ჩამოშორებოდნენ და ისევ პოლიტიკაში არიან, მაშინ გაუკეთოთ ,,ნაციონალების” აქციას იგნორირება, რათ უნდა ამას ასეთი გადაჭარბებული ყურადღდება. ,,ნაციონალები” მარგინალური ჯგუფია და იქნებიან ასე”, _განაცხადა კაკაბაძემ.
კაკაბაძე ხვალინდელ აქციაში ხალხმრავლობას არ ელოდება და აცხადებს, რომ ,,ნაცმოძრაობა” მაქსიმუმ 5 000 კაცის გამოყვანას შეძლებს.
,,ხვალ არანაირი ხალხის მასა არ გამოვა, ეს არის სისულელე, Mმაქსიმუმ 5 000 კაცი შეკრიბონ. მათ იმხელა ფული და შესაძლებლობა აქვთ საქართველოდან კი არა მსოფლიოს ნებისმიერი ქვეყნიდან ჩამოიყვანენ ადამიანებს, მიტინგის ფონის შესაქმნელად და როგორმე შეკრიბონ 5 000 კაცამდე. Mმერე რა მოხდა, რა არის 5 000 კაცი, 200 000 კაციან აქციებს ვაკეთებდით სააკაშვილის დროს”, _განაცხადა ,,ჯი-ეიჩ-ენთან” საუბარში კაკბაძემ.
შეგახსენებთ თბილისში, ხვალ, 21 მარტს მთავრობის გადადგომის მოთხოვნით საპროტესტო აქცია გაიმართება. აქცია "ერთიანი ნაციონალური მოძრაობის" ინიციატივით ვარდების მოედანზე 16:00 საათზე ჩატარდება.