საქართველოს პრეზიდენტის ადმინისტრაციის უფროსის მოადგილე, პრეზიდენტის მრჩეველი ეკონომიკურ საკითხებში გიორგი აბაშიშვილი დღეს მონტენეგროს რესპუბლიკის პრეზიდენტის მრჩეველს საერთაშორისო ეკონომიკის საკითხებში რუზდია ტუზოვიჩს და მონტენეგროს ეკონომიკური პალატის ვიცე-პრეზიდენტს ივან საველიჩს შეხვდა.
შეხვედრისას მხარეებმა საქართველოსა და მონტენეგროს შორის სავაჭრო-ეკონომიკური ურთიერთობა და თანამშრომლობის გაღრმავების პერსპექტივები განიხილეს. საუბარი შეეხო ასევე პოტენციურ საინვესტიციო პროექტებს, მათ შორის მომავალ წელს საქართველო-მონტენეგროს ბიზნეს ფორუმის პროექტის განხორციელების გზებს.
მხარეები სამომავლო თანამშრომლობასა და მჭიდრო კომუნიკაციაზეც შეთანხმდნენ.
