საქართველოს პრეზიდენტის ყოველწლიური გამოსვლა პარლამენტში 31 მარტს შედგება - ამის შესახებ განცხადება, საქართველოს პარლამენტის თავმჯდომარემ დავით უსუფაშვილმა დღევანდელ ბიუროს სხდომაზე გააკეთა.
„მინდა გამცნოთ, რომ დღეს დილით შედგა საუბარი საქართველოს პრეზიდენტთან და ამ საუბრის შედეგად ჩვენ შევთანხმდით, რომ საქართველოს პრეზიდენტის ყოველწლიური გამოსვლა პარლამენტში შედგება ორი კვირის შემდეგ, 31 მარტს. თარიღი ბატონმა პრეზიდენტმა შემოგვთავაზა და მე მივეცი წინასწარი თანხმობა. მოგეხსენებათ, ეს საკითხი სწორედ ორ სახელმწიფო ინსტიტუტს შორის შეთახმებით წყდება და მინდა მოგახსენოთ ამის თაობაზე. სხვა დეტალები, როგორც ყოველთვის, დაზუსტდება უკვე მოგვიანებით, როდესაც მივუახლოვდებით ამ თარიღს. შესაბამისად, ამ კვირის განმავლობაში, ეს საკითხი აღარ გვექნება დღის წესრიგში“, - განაცხადა დავით უსუფაშვილმა.
