უკრაინის ნატოში გაწევრიანების საკითხი დღის წესრიგში ჯერჯერობით არ დგას. ამის შესახებ ქვეყნის პრეზიდენტმა პეტრო პოროშენკომ გაზეთ "ბილდისთვის" მიცემულ ინტერვიუში განაცხადა. "ვფიქრობ, ამ თემაზე დისკუსია ნაადრევია. ჩვენ რეფორმებზე უნდა ვიყოთ კონცენტრირებულნი და ჩვენი საშინაო დავალება უნდა შევასრულოთ. რაც შეეხება ალიანსის წევრობას. ამას უკრაინელი ხალხი რეფერენდუმის გზით გადაწყვეტს,"-აღნიშნა პოროშენკომ.