2015 წლის 16 მარტს, ორგანიზაცია „ახალგაზრდა ადვოკატებმა“ საქართველოს მთავარი პროკურატურიდან მიიღო გამოთხოვილი ინფორმაცია, რომელიც ადასტურებს საქართველოს საკონსტიტუციო სასამართლოს თავმჯდომარის, გიორგი პაპუაშვილის მიმართ აჭარის ა/რ პროკურატურაში, სისხლის სამართლის კოდექსის 180-ე მუხლის (თაღლითობა) ბრალდებით დაწყებული გამოძიების ფაქტს. ორგანიზაცია, მაღალი საზოგადოებრივი ინტერესიდან გამომდინარე, საქმეს ხდის საჯაროდ და საქმეში არსებულ ყველა დოკუმენტს წარუდგენს საგანგებო ბრიფინგზე დამსწრე ჟურნალისტებს. ორგანიზაცია საქმის მასალებს და საკონსტიტუციო სასამართლოს თავმჯდომარის, გიორგი პაპუაშვილის მიმართ საგამოძიებო მოქმედებების დაწყების ფაქტზე სპეციალურ პრესკონფერენციას გამართავს 14:00 საათზე, ორგანიზაციის ოფისში.
