რუსეთში ცნობილი ტელეწამყვანისა და შოუმენის ოთარ ქუშანაშვილის ძმა რომან ქუშანაშვილი გარდაცვლილი იპოვეს. გამოცემა LifeNews-ის ინფორმაციით, ის მეზობლებმა მოსკოვში თავისი სახლის სადარბაზოში, კიბეებზე აღმოაჩინეს.
როგორც რუსული პრესა ავრცელებს, სამედიცინო ექსპერტიზის წინასწარი მონაცემებით, სიკვდილი შესაძლოა გამოეწვია ნარკოტიკების ჭარბი დოზით მიღებას. თუმცა გარდაცვლილის მეგობრები ამტკიცებენ, რომ ის მოკლულია.
ცნობილია, რომ გარდაცვალებამდე რამდენიმე საათით ადრე რომანი თავის ძმასთან ოთართან ერთად, ერთ-ერთ რესტორანში ვახშმობდა. ვახშმობის შემდეგ კი თავის მეუღლეს დაურეკა.
მიმდინარეობს გამოძიება. ოთარ ქუშანაშვილს მომხდარის შესახებ კომენტარი ჯერ არ გაუკეთებია.
