კოალიცია ,,ქართული ოცნების” წევრის ნუკრი ქანთარიას განცხადებით, დარგობრივი ეკონომიკისა და ეკონომიკური პოლიტიკის კომიტეტის სხდომაზე ეკონომიკური ბლოკის მინისტრების მოსმენისას დარწმუნდა, რომ რიგგარეშე სესიის დანიშვნის აუცილებლობა არ იყო.
,, მე კიდევ ერთხელ დავრწმუნდი და იმედია მოსახლეობაც რწმუნდება მინისტრების გამოსვლის შემდეგ, რომ არავითარი საგანგაშო და საგანგებო სესიის აუცილებლობა ნამდვილად არ იყო”, _მიმართა კომიტეტის სხდომის მონაწილეებს ქანთარიამ.
შეგახსენებთ, რომ ქვეყანაში არსებულ ეკონომიკურ-ფინანსურ მდგომარეობასთან დაკავშირებით, პარლამენტის დარგობრივი ეკონომიკისა და ეკონომიკური პოლიტიკის კომიტეტის სხდომაზე ეკონომიკური ბლოკის მინისტრებს დეპუტატები უსმენენ.
კომიტეტის სხდომაზე მოხსენებით წარსდგა ეროვნული ბანკის პრეზიდენტი გიორგი ქადაგიძეც.
