საქართველოს ენერგეტიკის მინისტრი აცხადებს, რომ ოპონენტებს რომელთაც შოუს მოწყობა სურდათ არ გამოუვიდათ. ამის შესახებ, კალაძემ მთავრობის სხდომის შემდეგ კითხვაზე ეკონომიკური გუნდის მოსმენასთან დაკავშირებით ოპონენტები საუბრობენ, რომ ეს არ არის ბოლომდე სრულყოფილი ფორმატი განმარტა.
კალაძე დარწმუნებულია, რომ დღეს დაგეგმილ კომიტეტის სხდომაზე ეკონომიკური გუნდის მინისტრები ამომწურავ პასუხებს გასცემენ.
"რაც შეეხება ოპონენტებს, მათ სურდათ შოუ. ისინი მიჩვეულები არიან ასეთი შოუების მოწყობას, მაგრამ ამჯერად მათ ეს არ გამოუვიდათ. რაც შეეხება კომიტეტში მისვლას, თუ იქ იქნება კითხვები კონკრეტულ თემებთან დაკავშირებით, როგორც გიორგი კვირიკაშვილი, ასევე ნოდარ ხადური ამომწურავ პასუხებს გასცემენ", - განაცხადა კახა კალაძემ.
შეგახსენებთ, დღეს, 12 მარტს, ხუთშაბათს, ქვეყანაში არსებულ ეკონომიკურ-ფინანსურ მდგომარეობასთან დაკავშირებით, პარლამენტის დარგობრივი ეკონომიკისა და ეკონომიკური პოლიტიკის კომიტეტის სხდომა გაიმართება, სადაც ეკონომიკური ბლოკის მინისტრებს მოუსმენენ.
შეხვედრა 15:00 საათზეა ჩანიშნული, სადაც ასევე ასევე ეროვნული ბანკის პრეზიდენტს გიორგი ქადაგიძეს ელოდებიან.
