ენერგეტიკის მინისტრის, კახა კალაძის განცხადებით, "ენერგო-პრო ჯორჯიასთან” დაკავშირებით ფინანსთა სამინისტროს კითხვები ნორმალურია და არაფერი განსაკუთრებული არ ხდება.
კალაძის განცხადებით, "ენერგო-პრო ჯორჯიასთან” დაკავშირებით შექმნილ ვითარებას ევროკავშირი-საქართველოს ასოცირების შეთანხმების რატიფიცირებასთან კავშირი არ აქვს.
"ეს არის რაღაც პროპაგანდა ისეთი, თითქოს ვიღაცას ატერორებენ. მინდა იცოდეთ, რომ ეს დრო დასრულდა. ორი წელია ასეთი რაღაცები არ ხდება. ვიღაცას ატერორებდნენ, ვიღაცას ბიზნეს ართმევდნენ, სააკაშვილი თავის რეჟიმთან ერთად დასრულდა, წავიდა და აღარასდროს აღარ დაბრუნდება. ასე, რომ ის რაც "ენერგო-პროსთან" მიმართებაში ჰქონდა კითხვები ფინანსთა სამინისტროს, ეს ნორმალურია. ისინი ახორციელებენ კონკრეტული კომპანიების შესწავლას. ეს მათი მოვალეობაა და თუ რაიმე კანონდარღვევა აღმოაჩინეს, შეუძლიათ ითანამშრომლონ და თანამშრომლობენ კიდეც "ენერგო-პროსთან"”, _აცხადებს ვიცე-პრემიერი კალაძე.
ამასთან საკითხის კომენტირებისას კალაძე განმარტავს, რომ თუ "ენერგო-პროს" მიაჩნია, რომ მას თანხა არასწორად დაარიცხეს, ეს ჩვეულებრივი დავის საგანი იქნება და რაღაც შეთანხმება იქნება მიღწეული.