საპარლამენტო უმრავლესობის ერთ-ერთი ლიედრი გედევან ფოფხაძე მიიჩნევს, რომ პრეზიდენტის მიერ დანიშნული პარლამენტის რიგგარეშე სხდომა არა ქვეყანაში შექმნილი პრობლემების მოგვარებას ემსახურება, არამედ ,,ნაციონალების” მიერ 21 მარტისთვის დანიშნული აქციის წინ პოლიტიკური ტემპერატურის აწევას.
,,პარლამენტში დანიშნული რიგგარეშე სხდომა და დებატები ემსახურება არა პრობლემის გადაჭრის მიზანს, არამედ "ნაციონალური მოძრაობის" მიერ 21 მარტისთვის დანიშნული აქციის წინ პოლიტიკური ტემპერატურის აწევას", - აცხადებს გედევან ფოფხაძე.
თავად ფოფხაძე რიგგარეშე სხდომაზე დასწრებას არ გეგმავს.
პრეზიდენტმა პარლამენტის რიგგარეშე სხდომა 13 მარტს 12:00 საათზე დანიშნა.
"საქართველოს პრეზიდენტის განკარგულებით, საქართველოს კონსტიტუციის 61-ე მუხლის მე-2 პუნქტის შესაბამისად, საქართველოს პარლამენტის რიგგარეშე სხდომა 2015 წლის 13 მარტის 12 საათიდან დაინიშნა. განკარგულების მიხედვით პარლამენტის რიგგარეშე სხდომაზე განსახილველი საკითხია: ეროვნული ვალუტის, ლარის კურსის სტაბილიზაციისკენ მიმართული ღონისძიებები", - ნათქვამია პრეზიდენტის განკარგულებაში.