საქართველოს პარლამენტის თავმჯდომარემ, ბიუროს სხდომაზე ამერიკის შეერთებულ შტატებში ავტოკატასტროფისას დაღუპული ორი ქართველი კურსანტის, ბესარიონ გორჯოლაძისა და სოსო მაკარიძის ოჯახებს მიუსამძიმრა.
პარლამენტის თავმჯდომარემ, დავით უსუფაშვილმა პარლამენტის სახელით, დაღუპული ახალგაზრდების ოჯახთან ერთად ყველა იმ ქართველ ჯარისკაცს მიუსამძიმრა, რომლებიც სხვადასხვა ადგილებში გადიან სამხედრო სამსახურს.
,,სამწუხაროდ მოგეხსენებათ ეს იყო უბედური შემთხვევა. ჩვენი საელჩო და საკონსულო ამერიკის შეერთებულ შტატებში, ასევე საგარეო საქმეთა სამინისტრო დაკავებულია შესაბამისი ღონისძიებებით“, - განაცხადა პარლამენტის თავმჯდომარემ.
