,,ნაცმოძრაობამ” 21 მარტს აქციის ჩატარების მოთხოვნით მერიას ოფიციალურად მიმართა.
განაცხადი დედაქალაქის მერიაში "ერთიანი ნაციონალური მოძრაობის" წევრმა და მერობის ყოფილმა კანდიდატმა, ნიკა მელიამ შეიტანა.
მელია აცხადებს, რომ აქციაზე საზოგადოების წარმომადგენლები მმართველი კოალიციისა და მთავრობის ქმედებებს გააპროტესტებენ.
"ჩვენ დავგმობთ მთავრობის 2 წლიან ქმედებებს, რომელმაც ქვეყანა გააღარიბა და ეკონომიკურ კრიზისამდე მიიყვანა. ჩვენი მთავარი მოთხოვნა მთავრობის გადადგომა იქნება,"- აცხადებს მელია.
შეგახსენებთ, რომ 21 მარტს მთავრობის გადადგომის მოთხოვნით საპროტესტო აქცია გაიმართება. აქცია "ერთიანი ნაციონალური მოძრაობის" ინიციატივით ვარდების მოედანზე ჩატარდება.
