პრეზიდენტმა გიორგი მარგველაშვილმა 188 მსჯავრდებული შეიწყალა. როგორც შეწყალების კომისიის თავმჯდომარემ ზვიად ქორიძემ განაცახდა შეწყალებული მსჯავრდებულებიდან 7 არასრულწლოვანია, ასევე შეწყალება შეეხო სამ ქალ პატიმარს, რომლებსაც უვადო პატიმრობა ჰქონდათ მისჯილი.
,,პრეზიდენტმა ხელი მოაწერა შეწყალების ორ აქტს და დღეს შეიძლება ითქვას, რომ მნიშვნელოვანია გადაწყვეტილების მოწმენი ვართ. ერთი აქტით პრეზიდენტმა შეიწყალა უვადო მსჯავრდებული სამი ქალბატონი და განსაზღვრა მათი გათავისულლების ვადა, რომელიც თითოეულ შემთხვევაში არა აღემატება სასჯელაღსრულების დაწესებულების მათი ყოფნის 20 წლის ვადას”, _განაცხადა ქორიძემ.
მისივე განმარტებით, პრეზიდენტმა შეწყალების მეორე აქტით შეიწყალა 188 მსჯავრდებული, მათგან 7 არასრულწლოვანია. როგორც ქორიძემ განმარტა ციხეებიდან სრულად გათავისუფლდება 130 მსჯავრდებული და ისინი ციხეებს დღეს დატოვებს.
