დღეს, 6 მარტს, სასტუმრო ,,რადისონ ბლუ ივერიაში” კოალიცია ,,დამოუკიდებელი და გამჭვირვალე მართლმსაჯულებისათვის’’ საქართველოს უზენაესი სასამართლოს თავმჯდომარეობის კანდიდატს, ნინო გვენეტაძეს შეხვდება.
შეხვედრა 15:00 საათზეა ჩანიშნული და ის კითხვა-პასუხის რეჟიმში წარიმართება.
მხარეებს შორის შეხვედრა, მიზნად ისახავს მოსაზრებების გაცვლას სამართლებრივი რეფორმის მნიშვნელოვან საკითხებზე.
შეგახსენებთ, რომ უზენაესი სასამართლოს თავმჯდომარის თანამდებობაზე სულ 28 კანდიდატი იყო დასახელებული და პრეზიდენტმა ნინო გვენეტაძის კანდიდატურა შეარჩია.
უზენაესი სასამართლოს ყოფილ თავმჯდომარეს კონსტანტინე კუბლაშვილს უფლებამოსილება 23 თებერვალს ამოეწურა.
ახალი თავმჯდომარის დანიშვნამდე მის მოვალეობას მისი მოადგილე ასრულებს.
