ყაზახური ~ყაზტრანსგაზის~ ჯგუფის კომპანიების მთალიანი მოგება 2009 წლის შედეგებით, 200 მლრდ ტენგეს აჭარბებს. ამის შესახებ "ჯი-ეიჩ-ენს" "ყაზტრანსგაზიდან" აცნობეს.
როგორც ~ყაზტრანსგაზის~ გენერალური დირექტროი სერიკ სულტანგალიევმა განაცხადა, კომპანიის რენტაბელობამ 17 პროცენტი შეადგინა, რაც საერთაშორისო ნავთობგაზის კომპანიების დონეს შეესაბამება.
მთალიანად კი, კომპანიამ 2000-2009 წლებში ყაზახეთის ბიუჯეტში 721 მლრდ ტენგე შეიტანა.
ამასთან, გასული პერიოდის განმავლობაში ქვეყნის გაზისტრანსპორტირების სისტემაში მთალიანი კაპიტალდაბანდება 250 მლრდ ტენგეს აღწევს.
2009-2009 წლების პერიოდში კი, ~ყაზტრანსგაზმა~ 51.4 მლრდ კუბური მეტრი გაზის რეალიზება მოახდინა. მაგისტრალური გაზსადენით კი, 10 წლის განმავლობაში, 1 174.3 მლრდ კუბური მერტი გაზის ტრანსპორტირება განხორციელდა.
წელს ~ყაზტრანსგაზი~ ყაზახეთის მაგისტრალური გაზსადენით 94 მლრდ კუბურ მეტრამდე გაზის ტრანსპორტირებას გეგმავს, მათ შორის საერთაშორისო ტრანზიტი 71 მლრდ კუბურ მეტრს შეადგენს, ხოლო ექსპორტი - 15 მლრდ კუბურ მეტრ გაზს.