ყოფილი დიპლომატის ეროსი კიწმარიშვილის ძმა ზურაბ კიწმარიშვილი ,,ჯი-ეიჩ-ენთან” საუბარში აცხადებს, რომ შესაძლოა აპრილში საქმის გარკვეული ეტაპი დამთავრდეს და პროკურატურა გარკევული ინფორმაცია გასაჯაროვოს.
,,საქმის ვითარებას რაც შეეხება მიმდინარეობს გარკვეული საექსპერტო მონაცემების გადამოწმება და ექსპერტებთან გასაუბრება. ვფიქრობ, მარტში, შესაძლოა აპრილში საქმის გარკვეული ეტაპი დამთავრდება და პროკურატურა ინფორმაციას გასცემს, გარკვეულ ანალიზს, პოზიციას დააფიქსირებს”, _აცხადებს ,,ჯი-ეიჩ-ენთან” საუბარში ზურაბ კიწმარიშვილიმა.
მისივე თქმით, ბოლო დროს საქმის მასალების შესწავლისას ბევრი მნიშვნელოვანი დეტალი გამოიკვეთა, რომელიც საჭიროებს უფრო გულდასმით შესწავლას, რის შემდეგ, შესაძლოა, უფრო მეტი ინფორმაცია გახდეს ცნობილი.
ზურაბ კიწმარიშვილის განცხადებით, 7 მარტს გეგმავენ თბილისი პროკურატურაში მისვლას და საქმის მასალებს გაეცნობიან.
შეგახსენებთ, რომ 15 ივლისს რუსთავის მერობის ყოფილი კანდიდატი ეროსი კიწმარიშვილი მისსავე ავტოფარეხში, გარდაცვლილი იპოვნეს.
კიწმარიშვილის საქმესთან დაკავშირებით გამოძიება სსკ 115-ე მუხლით მიმდინარეობს, რაც თვითმკვლელობამდე მიყვანას გულისხმობს. გამოძიებისგან განსხვავებული ვერსია აქვს კიწმარიშვილის ოჯახს. ამასთან გამორიცხული არაა.
