თბილისის მუნიციპალიტეტის საკრებულო ლიტერატურისა და ხელოვნების პრემიის სახელწოდებაზე კონკურსს აცხადებს, რომელშიც მონაწილეობის მიღება ნებისმიერი ასაკის ადამიანს შეეძლება.

დაინტერესებულმა პირებმა აუცილებელია, ელექტრონულ მისამართზე tbsakrebulo.gov.ge შეავსონ ელექტრონული განაცხადი და 8 მარტის 18:00 საათამდე მოგვაწოდონ კონკურსის სახელწოდება.

საუკეთესო სახელწოდებას შესაბამისი კომისია გამოავლენს. საპრიზო ფონდი 500 ლარს შეადგენს. გამარჯვებულს პრემიას საკრებულოს თავმჯდომარე პირადად გადასცემს.

კონკურსის შესახებ დამატებითი ინფორმაციისათვის დაგვიკავშირდით ელექტრონულ მისამართზე: konkursi@sakrebulo.ge

თბილისის მუნიციპალიტეტის საკრებულოს თავმჯდომარის გიორგი ალიბეგაშვილის ინიციატივით, დედაქალაქის წარმომადგენლობით ორგანოში მუშავდება პროექტი კონკურსისთვის, რომელიც ლიტერატურულ და სახელოვნებო დარგებს მოიცავს.

კონკურსის ლიტერატურული ნაწილის ნომინაციებია:

1. პროზა;
2. პოეზია;
3. დრამატურგია.

სახელოვნებო ნაწილის ნომინაციებია:

1. მხატვრობა
2. სკულპტურა;
3. ფოტოგრაფია;
4. სიმღერა;
5. არქიტექტურა;
6. გამოყენებითი ხელოვნება.

ასევე დაგეგმილია მოსწავლეებისთვის სპეციალური ნომინაციის დამატება, სადაც მოზარდებს საშუალება ექნებათ თბილისის შესახებ საკუთარი ხედვებით წარმოადგინონ ესეები.

საუკეთესო ლიტერატურული ნამუშევრები განახლებულ ჟურნალ ,,ცისკარი 1852“-ში დაიბეჭდება.

კონკურსის დეტალები შემუშავების ეტაპზეა. უახლოეს მომავალში მომზადდება დებულება, სადაც ყველა ნიუანსი გაიწერება.

კონკურსის შესახებ ინფორმაცია ჟურნალი ,,ცისკარი 1852“-ის მარტის ნომერში და სხვადასხვა ბეჭდურ მედიასა და ინტერნეტ პორტალებზე გამოქვეყნდება.