ნაციონალური მოძრაობის წევრი ნიკა მელია ალექსანდრე მარგიშვილთან დაკავშირებით კომენტარს აკეთებს. მისი თქმით, მარგიშვილის თბილისის მერის მოადგილის თანამდებობიდან გათავისუფლება არ უშველის მდგომარეობას მაშინ, როდესაც დედაქალაქის მერია იქცა კლასიკურ კორუფციულ, ძალადობის და სუს-თან თანამშრომლობის ბუდედ,
„თვეების განმავლობაში ჩვენ ვსაუბრობდით ბატონი მარგიშვილის კორუფციულ სქემებზე და ძალიან სამწუხაროა, რომ მაინცდამაინც ჯოკია ბოდოკიას კორუფციული ფაქტი უნდა დამდგარიყო სახეზე, რომ შესაბამისი გადაწყვეტილება მიეღო ბატონ ნარმანიას. თუმცა არც ერთ შემთხვევაში ეს არ უშველის მდგომარეობას მაშინ, როდესაც დედაქალაქის მერია იქცა კლასიკურ კორუფციულ, ძალადობის და სუს-თან თანამშრომლობის ბუდედ, მარგიშვილის გადაყენება თანამდებობიდან მერიამ ამ მძიმე მდგომარეობიდან ვერ გამოიყვანს მანამ, სანამ ბიძინა ივანიშვილის მარიონეტი, ბატონი ნარმანია მართავს დედაქალაქის მერიას“, - აცხადებს მელია.
შეგახსენებთ, რომ ალექსანდრე მარგიშვილი თბილისის მერის მოადგილის მოვალეობას აღარ შეასრულებს. თბილისის მერის განცხადებით, ალექსანდრე მარგიშვილი მეწარმეობის ხელშეწყობის ცენტრს უხელმძღვანელებს.
