საქართველოს საპარლამენტო დელეგაცია, დავით უსუფაშვილის ხელმძღვანელობით, 25-27 თებერვალს, ოფიციალური ვიზიტით, ბულგარეთის რესპუბლიკას ეწვევა.
ვიზიტის ფარგლებში დაგეგმილია შეხვედრა ბულგარეთის რესპუბლიკის სახალხო კრების თავმჯდომარესთან, ცეცკა ცაჩევასთან, პრეზიდენტთან როსენ პლევნელიევთან, პრემიერ-მინისტრთან ბოიკო ბორისოვთან, საგარეო საქმეთა მინისტრთან დანიელ მიტოვთან და საგარეო პოლიტიკის კომიტეტისა და ევროპულ საკითხთა და ევროფონდების მართვის კომიტეტის ხელმძღვანელებთან.
დელეგაცია, რომლის შემადგენლობაშიც პარლამენტის თავმჯდომარესთან ერთად, საგარეო ურთიერთობათა კომიტეტის თავმჯდომარე, თედო ჯაფარიძე და აგრარულ საკითხთა კომიტეტის წევრი, ლევან ქარდავა შედიან, ვიზიტს 27 თებერვალს დაასრულებენ.
