კოალიცია ,,ქართული ოცნების" წევრი ზვიად ძიძიგური უკრაინის ხელისუფლებაში საქართველოს ყოფილი მაღალჩინოსნების დანიშვნას კორექტულად არ მიიჩნევს.
,, არა მგონია, უკრაინის ხელისუფლებისგან გადადგმული ნაბიჯი ამ შემთხვევაში იყოს მეგობარ სახელმწიფოსთან მთლად კორექტული. თუმცა ამის იქით ზედმეტი კომენტარების გაკეთება არაფრად არ ღირს. რა თქმა უნდა, დიპლომატიური ნოტა არის სრულიად ზედმეტი, არავითარი მსგავსი გაკეთება არ მოხდება და არც უნდა მოხდეს. ჩვენ რომ დავნიშნოთ უკრაინის პროკურორისგან ბრალდებული პირი ისეთ თანამდებობაზე, რომ ეს უკრაინისთვის მიუღებელი იყოს, რა თქმა უნდა, ისინიც რეაქციას გააკეთებდნენ და რაღაც ტიპის რეაქცია ჩვენგან კეთდება", -აცხადებს ძიძიგური.
შეგახსენებთ, რომ საქართველოს ხელისუფლების ყოფილი მაღალჩინოსნები უკრაინის ხელისუფლებაში მაღალ თანამდებობაზე დანიშნენ. რამდენიმე დღის წინ საქართველოს ყოფილი პრეზიდენტი მიხეილ სააკაშვილი უკრაინის პრეზიდენტის პეტრო პოროშენკოს საერთაშორისო მრჩეველთა საბჭოს თავმჯდომარედ დაინიშნა.
მასალის გამოყენების პირობები
