,,უმრავლესობის ლიდერს ნამდვილად არ აქვს საშუალება, ელაპარაკოს უმრავლესობის ყველა წევრს" _განაცხადა კოალიცია ,,ქართული ოცნების" წევრმა ლევან ბერძენიშვილმა საპარლამენტო უმრავლესობის ლიდერის დავით საგანელიძის მიმართ გამოთქმული პრეტენზიების საპასუხოდ.
მისივე თქმით, უმრავლესობის წევრებს პრეტენზიები უნდა ჰქონდეთ არა დავით საგანელიძესთან, არამედ ფრაქციების ხელმძღვანელებთან.
,,ასე რომ, მათ პირველ რიგში თავიანთი ფრაქციების ხელმძღვანელებთან უნდა ჰქონდეთ პრეტენზია და არა - დავით საგანელიძესთან. მე მაინც ვფიქრობ, რომ ეს არის ტექნიკური საკითხი და გაერკვევიან მეგობრები",- აღნიშნა ლევან ბერძენიშვილმა.
შეგახსენებთ, რომ კოალიცია ,,ქართულ ოცნებაში" დაპირისპირებაა. ამის მიზეზი საპარლამენტო უმრავლესობის ლიდერის დავით საგანელიძის მიერ პრეზიდენტთან გამართული კონსულტაციაა რომელიც უზენაესი სამართლოს თავმჯდომარის შერჩევის კრიტერიუმებს ეხება.
აღნიშნულ საკითხზე დღეს ფრაქცია "ქართული ოცნების" სხდომა გაიმართება.
სხდომა პარტიის ცენტრალურ ოფისში 15:00 საათზეა დაგეგმილი.
მასალის გამოყენების პირობები
