,,ნაცმოძრაობის წევრი" გიორგი ბარამიძე აცხადებს, რომ შსს-ში სეროზული პრობლემები არსებობს. როგორც დეპუტატი განმარტავს, პარტიის მიერ გავრცელებულ ვიდეოებზე სამართალდამცველებმა უწყებამ არასწორი რეაგირება მოახდინეს.
ბარამიძის თქმით, პოლიციის მაღალჩინოსნები ემსახურებიან არა საზოგადოებისა და სახელმწიფოს ინტერესებს, არამედ გავლენის სფეროებს ინაწილებენ და ბიძინა ივანიშვილის კაპრიზებს და პირად მითითებებს ასრულებენ.
„შსს-ს რიგებში სერიოზული პრობლემებია, ქვეყანაში არის რთული კრიმინოგენული ვითარებაა, სწორედ იმის გამო რომ პოლიციის მაღალჩინოსები ემსახურებიან არა საზოგადოებისა და სახელმწიფოს ინტერესებს, არამედ არიან გავლენის სფეროების გადანაწილებით დაკავებული და ივანიშვილისია და ღარიბაშვილის გარემოცვის პირადი მითითებების შესრულებით", _განმარტა ბარამიძემ.
შეგახსენებთ, რომ "ნაციონალურმა მოძრაობამ" ვიდეოჩანაწერი გაავრცელა სადაც მოქალაქე პატრულს შეურაცხყოფას აყენებდა.
ვიდეოფირზე ასახულია ვითარება, როდესაც საპატრულო პოლიციის თანამშრომელი ავტომანქანას აჩერებს და მძღოლს საბუთებს სთხოვს. საჭესთან მჯდომი მოქალაქე კი სამართალდამაცველს ჯერ სიტყვიერ შეურაცხყოფას აყენებს, შემდეგ კი ახლობლებთან პრობლემის მოსაგვარებლად იწყებს რეკვას.
მოქალაქე ეკა ყუშიტაშვილია, რომელიც პატრულის ეკიპაჟებს აგინებს, სატელეფონო საუბრის დროს ზვიად ჯანყარაშვილს და დათო ცინარიძეს ახსენებს.
