,,ნაცმოძრაობის" წევრი გიგა ბოკერია საგარეო უწყების ხელმძღვანელის თამარ ბერუჩაშვილის განცხადების შეფასებისას განმარტავს, რომ მისი განცხადება სარწმუნო არაა იქამდე სანამ რეალური ნაბიჯები რუსეთთან სავაჭრო ურთიერთობის შეჩრების კუთხით არ განხორცილდება.
,,ახლა გვესმის აღიარება, რომ თურმე მახეა რუსული ბაზარი და წყვეტენ დიალოგს. ორწელიწადნახევარი დაგვაზიანეს, ახლა ძლივს მოვისმინეთ ეს სწორი განცხადება. პირველ რიგში ჩვენ უნდა ვიხილოთ რეალური პოლიტიკური ნაბიჯები, რომელიც უნდა მოყვეს ამ განცხადებას და ივანიშვილი იზიარებს თუ არა ამ პოლიტიკას. უნდა ვნახოთ, რომ შეწყდა "აეროფლოტთან" მოლაპარაკებები, გაჩერდა აბაშიძე-კარასინის ჩვენთვის დამაზიანებელი ფორმატის მოქმედება. სანამ ამ ნაბიჯებს არ ვიხილავთ, ეს აღიარება მხოლოდ სიტყვებია", _განაცხადა ბოკერიამ.
საქართველოს საგარეო საქმეთა მინისტრის, თამარ ბერუჩაშვილის განცხადებით, საქართველოს ხელისუფლება „მახედ" მიიჩნევს რუსეთის ბაზარს. ბერუჩაშვილმა ამის შესახებ, ვაშინგტონში რადიო ,,თავისუფლების" კორესპონდენტთან საუბრისას განაცახდა.
„ახლა დროებით ვაჩერებთ რუსეთთან ვაჭრობის საკითხებზე ამ დიალოგს, მას აზრი არა აქვს. რუსეთს ნებისმიერ მომენტში შეუძლია, ისევ აამოქმედოს ემბარგო", _განაცხადა ბერუჩაშვილმა რადიო ,,თავისუფლების" კორესპონდენტთან საუბრისას.
ბერუჩაშვილის სიტყვებით, რუსეთი მნიშვნელოვან პოლიტიკურ საკითხებთან დაკავშირებითაც „განაგრძობს დესტრუქციულ ნაბიჯებს, რის უკანასკნელი ნათელყოფა იყო ნოემბერში მოსკოვში ე.წ. სტრატეგიული პარტნიორობისა და ინტეგრაციის შესახებ შეთანხმების ხელმოწერა სოხუმის საოკუპაციო რეჟიმთან". თუმცა საგარეო საქმეთა სამინიტრო თამარ ბერუჩაშვილის გაცხადებას ჟურნალისტის არასწორი ინტერპრეტირებით ხსნის.
