,,ნაციონალურმა მოძრაობამ" პროკურატურაში სარჩელი შეიტანა და საპარლამენტო ოპოზიცია ბოლო დროს გამოქვეყნებული ვიდეომასალის გამოძიებას ითხოვს, რომელშიც მოქალაქე საპატრულო ეკიპაჟს შეურაცხყოფას აყენებს.
„გავრცელდა კადრები ტელევიზიით, როგორ აყენებს მოქალაქე შეურაცხყოფას პატრულის რიგით თანამშრომლებს. დღევანდელ ხელისუფლებას აზრად არ მოსვლია, რომ შესაბამისი სახდელი დაედო ამ ადამიანისთვის და სწორედ ამით გამოესწორებინა პოლიციისთვის შელახული იმიჯი. ეს ადამიანი რომ დასჯილიყო კანონის შესაბამისად, საზოგადოებისთვის იქნებოდა მკაფიო მესიჯი, რომ რიგითი პოლიციელის შეურაცხყოფა საქართველოში არავის ეპატიება," - განაცხადა ადვოკატმა, გოგა ონიანმა.
