საქართველოში აშშ-ის ელჩი რიჩარდ ნორლანდი ყოფილი პრემიერის ბიძინა ივანიშვილის არასამთვრო სექტორთან დაკავშირებით გამოთქმულ პოზიციას გამოეხმაურა და განმარტა, რომ საია, "საერთაშორისო გამჭვირვალობა" და "სამართლიანი არჩევნები" საელჩოს მნიშვნელოვანი პარტნიორები არიან.
,,ივანიშვილის მოსაზრება მნიშვნელოვანია საზოგადოებისთვის. თავის მხრივ, არასამთავრობო ორგანიზაციები - საია, "საერთაშორისო გამჭვირვალობა" და "სამართლიანი არჩევნები" მნიშვნელოვანი პარტნიორები არიან ამერიკის შეერთებული შტატების საელჩოსი", - განაცხადა ნორლანდმა.
ყოფილი პრემიერის ბიძინა ივანიშვილის განცხადებით, იგი არასამთავრობო ორგანიზაციებზე კვლევის ჩატარებას გეგმავს, რადგან ამ მიმართულებით ბევრი კითხვა არსებობს.
,,არასამთავრობოებზე ცალკე კვლევას ვაკეთებთ, მთავრობაზე დიდი არასამთავრობოები რომ არიან, მათზე, უფრო სწორად პიროვნებებზე - ლომჯარიაზე, გიგაურზე, კოჟორიძეზე. ჩვენ საინტერესო კვლევას დავდებთ მათზე. ძალიან ბევრი კითხვა გვაქვს. თვითონ მათზე გვაქვს კითხვები, რამდენადაც ტაბუ დაადეს რაღაც საკითხებს - არასამთავრობოებს ვერ შეეხებოდით, ასევე ცდილობდნენ, რომ პრეზიდენტის ინსტიტუტი არ გაგვეკრიტიკებინა", - განაცხადა ივანიშვილმა.