,,საინტერესოა , რომ რუსული ინტერესების გამტარებელი არასამთავრობოების მიმართ კრიტიკა არ ისმის", - ამის შესახებ, ,,თავისუფალი დემოკრატები" წევრმა ზურაბ აბაშიძემ ყოფილი პრემიერის ბიძინა ივანიშვილის განცხადების შეფასებისას განმარტა.
მისივე თქმით, არავის აქვს უფლება არასამთავრობოების საქმიანობა შეისწავლოს ან ანგარიშსწორება აწარმოოს.
,,არავის აქვს უფლება მისი საქმიანობა შეისწავლოს ან ანგარიშსწორება აწარმოოს,ან მათ გაუქმებაზე იზრუნოს. იგივე ხდება ტელევიზიებთან მიმართებაშიც. ვინმეს მიმართ აწარმოო დევნა და რაიმე უფლება შეუზღუდო, გამორიცხულია. საინტერესოა, რომ რუსული ინტერესების გამტარებელი არასამთავრობოების მიმართ კრიტიკული მოსაზრებები არ გამოითქვა", - აცხადებს ჟურნალისტებთან აბაშიძე.
ყოფილი პრემიერის ბიძინა ივანიშვილის განცხადებით, იგი არასამთავრობო ორგანიზაციებზე კვლევის ჩატარებას გეგმავს, რადგან ამ მიმართულებით ბევრი კითხვა არსებობს.
,,არასამთავრობოებზე ცალკე კვლევას ვაკეთებთ, მთავრობაზე დიდი არასამთავრობოები რომ არიან, მათზე, უფრო სწორად პიროვნებებზე - ლომჯარიაზე, გიგაურზე, კოჟორიძეზე. ჩვენ საინტერესო კვლევას დავდებთ მათზე. ძალიან ბევრი კითხვა გვაქვს. თვითონ მათზე გვაქვს კითხვები, რამდენადაც ტაბუ დაადეს რაღაც საკითხებს - არასამთავრობოებს ვერ შეეხებოდით, ასევე ცდილობდნენ, რომ პრეზიდენტის ინსტიტუტი არ გაგვეკრიტიკებინა", - განაცხადა ივანიშვილმა.