ადვოკატ ირმა ჭკადუას განცხადებით, მათ გამოძიებასთან დაკავშირებული ახალი დეტალების შესახებ უნდა მიიღონ ინფორმაცია.
საგამოძიებო უწყებაში მისვლას დაცვის მხარე 13:00 საათისათვის გეგმავს.
ვაზაგაშვილის ოჯახის ადვოკატები უწყებაში გუშინაც იმყოფებოდნენ. მათი განმარტებით, არსებობს ახალი გარემოება, რომლითაც გამოძიება უნდა დაინტერესდეს.
შეგახსენებთ, რომ იური ვაზაგაშვილი 20 იანვარს, შვილის, ზურაბ ვაზაგაშვილის საფლავზე გარდაცვლილი იპოვნეს. ის აფეთქების შედეგად დაიღუპა. აღნიშნულ ფაქტთან დაკავშირებით მთავარმა პროკურატურამ გამოძიება სისხლის სამართლის კოდექსის 109-ე მუხლით დაიწყო, რაც დამამძიმებელ გარემოებაში განზრახ მკვლელობას გულისხმობს.
იური ვაზაგაშვილი წლების მანძილზე ითხოვდა 2006 წელს, სპეცოპერაციის შედეგად დაღუპული შვილის, ზურაბ ვაზაგაშვილის საქმის გამოძიებას, რომელიც ამ დრომდე არ არის დასრულებული.
