პრემიერი ირაკლი ღარიბაშვილი დავოსში ვიზიტისას კიდევ ერთხელ გამოეხმაურა იური ვაზაგაშვილის საქმეს და აღნიშნა, რომ კომპეტენტური ორგანოები აქტიურად მუშაობენ აღნიშნული მკვლელობის გასახსნელად.
,,ეს არის ძალიან შემზარავი ფაქტი, ეს უნდა იყოს სასწრაფოდ გამოძიებული. მინდა გითხრათ, რომ მობილიზებული მთელი სამართალდამცავი სისტემა_პროკურატურა, შსს, მთლიანად ჩართულია ყველა ამ საქმის უსწრაფესად გამოძიებაში. მოვუწოდებ, პროკურატურას და მთლიანად სამართალდამცავებს სწრაფად გამოიძიონ აღნიშნული მკვლელობა, ეს სასტიკი მკვლელობა. რაც მთავარია სწრაფად უნდა დაასრულონ ზურაბ ვაზაგაშვილის მკვლელობის საქმე", _განაცხადა ღარიბაშვილმა.
შეგახსენებთ, რომ იური ვაზაგაშვილი 20 იანვარს, კასპის რაიონში, სოფელ ყარაფილაში, საკუთარი შვილის, ზურა ვაზაგაშვილის საფლავთან მომხდარი აფეთქების შედეგად დაიღუპა.
მომხდართან დაკავშირებით მთავარა პროკურატურამ გამოძიება სისხლის სამართლის კოდექსის 109-ე მუხლით დაიწყო, რაც დამამძიმებელ გარემოებაში განზრახ მკვლელობას გულისხმობს.
