ზურა და იური ვაზაგაშვილების მკვლელობის საქმეებზე დამნაშავეების გამოვლენა პროკურატურის ნომერი პირველი პრიორიტეტია. ამის შესახებ, მთავარმა პროკურორმა გიორგი ბადაშვილმა პარლამენტის თავმჯდომარე დავით უსუფაშვილთან შეხვედრაზე განაცახადა.
მისივე განმარტებით, ამ მიზნით, მობილიზებულია ქვეყნის მთელი სამართალდამცავი სისტემა.
შეხვედრაზე ასევე ხაზი გაესვა, რომ აუცილებელია არა მხოლოდ ამ საზარელი დანაშაულების ჩამდენ მოძალადეთა პასუხისგებაში მიცემა, არამედ ძალადობის ამგვარი აქტების გამომწვევი და ხელისშემწყობი ფაქტორების საფუძვლიანი ანალიზი და სწორი დასკვნების გამოტანა.
იური ვაზაგაშვილი გუშინ, 20 იანვარს, შვილის, ზურაბ ვაზაგაშვილის საფლავზე გარდაცვლილი იპოვნეს. ის აფეთქების შედეგად გარდაიცვალა.
იური ვაზაგაშვილი წლების მანძილზე ითხოვდა 2006 წელს, სპეცოპერაციის შედეგად დაღუპული შვილის, ზურაბ ვაზაგაშვილის საქმის გამოძიებას, რომელიც ამ დრომდე არ არის დასრულებული.
