პროკურორ, ირაკლი დონდოლაძის განცხადებით, ქართული მხარე უკვე დაუკავშირდა ირანის კომპეტენტურ ორგანოებს ინტერპოლის მიერ ძებნილი მოჰამადამინ როინთანის დაკავების შესახებ გავრცელებული ინფორმაციის დაზუსტების მიზნით.
"საქართველოს მთავარი პროკურატურის მიერ გატარებული იქნა ყველა ღონისძიება იმისთვის, რათა ხსენებული პირის მიმართ გამოცხადებულიყო ინტერპოლის არხებით საერთაშორისო ძებნა წითელი ცირკულარით. გავრცელებული ინფორმაციის თანახმად, პირი დაკავებული იქნა ირანის ტერიტორიაზე. უნდა აღინიშნოს, რომ საქართველოს მხარემ უკვე მიმართა ირანის კომპეტენტურ ორგანოებს ამ ინფორმაციის დადასტურების, ან უარყოფის მიზნით. იმ შემთხვევაში თუ კი ეს ინფორმაცია დადასტურდება, საქართველოს მთავარი პროკურატურა გამოიყენებს ყველა სამართლებრივ ღონისძიებას, რათა მოჰამადამინ როინთანი წარსდგეს მართლმსაჯულების წინაშე," - განაცხადა ირაკლი დონდოლაძემ.
შეგახსენებთ, რომ ირანული მედიის ინფორმაციით, რამდენიმე დღის წინ ირანში 2013 წლის ზაფხულში მოკლული 13 წლის მარიამ კოჩალაძის საქმესთან დაკავშირებით ეჭვმიტანილი პირი დააკავეს.
