კვლევის თანახმად, 4700 ტონიანი ხილისა და ბოსტნეულის სამაცივრე მეურნეობამ უნდა დაფაროს თბილისისა და რუსთავის ტერიტორია, რომელსაც საქართველოს მასშტაბით საკვები პროდუქტების მოხმარების 31% უკავია.
როგორც საპარტნიორო ფონდის მენეჯმენტში აცხადებენ, სამაცივრე მეურნეობის ოპერირების გარდა, შემოთვაზებული ბიზნეს მოდელი მოიცავს ასევე მცირე ფერმერებისგან ხილისა და ბოსტნეულის შეგროვების პროცესს, რომელიც გააუმჯობესებს მიწოდების ჯაჭვის ეფექტურობას.

ინვესტიციის სავარაუდო ღირებულება 7 მილიონ დოლარს შეადგენს. საპარტნიორო ფონდი მზად არის განახორციელოს პროექტის თანადაფინანსება.
საპარტნიორო ფონდის ერთ ერთ პრიორიტეტს წარმოადგენს ქვეყანაში განავითაროს სოფლის მეურნეობის პოტენციალი ეკონომიკის მზარდი განვითარებისთვის.

სააქციო საზოგადოება საპარტნიორო ფონდი საქართველოს მთავრობის მიერ 2011 წელს დაარსდა. სახელმწიფო ფლობს ფონდის 100%-ს. საპარტნიორო ფონდის აქტივები 5 მილიარდ ლარს აჭარბებს. ფონდი ფლობს „საქართველოს რკინიგზის", „საქართველოს ნავთობისა და გაზის კორპორაციის", „საქართველოს სახელმწიფო ელექტროსისტემის", ელექტროსისტემების კომერციული ოპერატორისა" და ნაწილობრივ, „თელასის" აქციებს. ფონდის ერთ-ერთი მთავარი ამოცანაა საინვესტიციო მიმართულებებთან ერთად, ამ სახელმწიფო სტრატეგიული აქციების სწორი კორპორატიული მართვა.