იური ვაზაგაშვილის გარდაცვალების საქმის გამოძიებას მონიტორინგს სპეციალურად შექმნილი 7 კაციანი საბჭო გაუწევს.
ოჯახის ახლობლები არ გამორიცხავენ, რომ გამოძიების დროულად ჩატარების და დამნაშავეთა დასჯის მოთხოვნით საპროტესტო გამოსვლებიც დაიწყოს.
მათი განმარტებით, ვაზაგაშვილის შვილის საქმის გამოძიება დასკვნით ეტაპზეა და არ გამორიცხავენ, რომ ამ ორ ფაქტს ერთმანეთთან რაიმე კავშირი ჰქონდეს.
იური ვაზაგაშვილი გუშინ, 20 იანვარს, შვილის, ზურაბ ვაზაგაშვილის საფლავზე გარდაცვლილი იპოვნეს. ის აფეთქების შედეგად გარდაიცვალა.
იური ვაზაგაშვილი წლების მანძილზე ითხოვდა 2006 წელს, სპეცოპერაციის შედეგად დაღუპული შვილის, ზურაბ ვაზაგაშვილის საქმის გამოძიებას, რომელიც ამ დრომდე არ არის დასრულებული.
