ორდერის გარეშე ჩხრეკვა არ ჩატარდება. გადაწყვეტილება ამის შესახებ ადამიანის უფლებათა დაცვის კომიტეტის სხდომაზე მიიღეს.
სისხლის სამართლის კოდექსში შეტასატან აღნინულ ცვლილებებზე უარი თავად კანონპროექტის ავტორებმა განაცხადეს და შესაბამისად სამართალდამცავებს ჩხრეკის წარმოებისათვის კვლავ წერილობითი თანხმობა დასჭირდებათ.
პარლამენტში სხდომას, რომელიც ორი საათის განმავლობაში მიმდინარეობდა, დეპუტატებთან ერთად უფლებადამცველები და არასამთავრობო სექტორის წარმომადგენლები ესწრებოდნენ.
შეგახსენებთ, რომ კანონპროეტის თანახმად, სისხლის სამართლის საპროცესო კოდექსში შევიდოდა ცვლილება, რომლის თანახმად, გადაუდებელი აუცილებლობის დროს სამართალდამცველებს ჩხრეკის ჩატარება ორდერის გარეშე შეეძლებოდათ.
ცვლილების თანახმად, გადაუდებელი აუცილებლობის შემთხვევაში ჩასატარებელ ჩხრეკა-ამოღებისას გამომძიებლის მიერ შესაბამისი დადგენილების გამოტანა საჭირო აღარ გახდებოდა. ასეთ დროს საკმარისი იქნებოდა გამომძიებელს მოქალაქისთვის ზეპირად განემარტა ჩხრეკისა და ნივთმტკიცების ამოღების საფუძვლები.
