კრიშტიანუ რონალდუ 2014 წლის საუკეთესო ფეხბურთელად აღიარეს. Globe Soccer-ის დაჯილდოვების საზეიმო ცერემონია დუბაიში გაიმართა. დაჯილდოვების შემდეგ მადრიდის რეალის ლიდერმა განაცხადა, რომ Globe Soccer-ის აღიარების შემდეგ კიდევ ერთი პრიზის მოლოდინშია. რონალდუ იმედოვნებს, რომ 12 იანვარს ციურიხში მას „ოქროს ბურთს" გადასცემენ. Globe Soccer-ის პრესტიჟული ჯილდო მადრიდის რეალის კიდევ ერთ წევრს ერგო. წლის საუკეთესო მწრთვნელის ტიტული იტალიელმა სპეციალისტმა კარლო ანჩელოტიმ მოიპოვა.
